Rusiya paytaxtına güclü qar yağıb.
APA-nın Moskva müxbirinin verdiyi məlumata görə, dünən gecə saatlarından başlayan qar dayanmadan yağır.
“Meteonovosti” portalının bildirdiyinə görə, Moskvaya üç saat ərzində ortalama 2 millimetr yağıntı düşüb. Paytaxtın cənubunda isə yağıntının miqdarı 5 millimetr olub.
Bildirilib ki, yerli vaxtla saat 15-ə kimi havanın temperaturu 0 dərəcəyə yaxınlaşacaq və qar fərqli intensivlikdə yağmağa davam edəcək.
Dekabrın 6-dan intensiv şəkildə yağmağa başlayan qar Moskvanın yollarında hərəkəti iflic edib.
Səhər saatlarında Moskva dairəvi avtomobil yolunda və paytaxtın giriş-çıxış magistralları hesab olunan Yaroslavl və Volqoqrad şose və prospektlərində böyük tıxaclar meydana gəlib.
“Yandex” sistemi həmin yollarda tıxacı 8 bal səviyyəsində qiymətləndirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
