ABŞ tərəfindən təşkil olunan “Demokratiya uğrunda sammit” beynəlxalq gərginliyi artıracaq.
APA-nın Moskva müxbirinin xəbərinə görə, bu barədə Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bu gün keçirdiyi brifinqdə bildirib.
“Amerika Birləşmiş Ştatları demokratiyanın inkişafı şüarı altında kollektiv Qərbdən strateji müstəqilliyini, ədalətli dünya nizamına dair suveren baxışlarını qoruyub saxlayan və ilk növbədə Rusiya və Çinlə qarşıdurmada maraqları olan ölkələrin klubunu toplayır. ABŞ tərəfindən təşkil olunan “Demokratiya uğrunda sammit” beynəlxalq gərginliyi artırmağa yardım edəcək. Dünya nizamının BMT mərkəzli arxitekturasının aşınması və “Böyük 20-lər” potensialı da təhlükə altındadır. Bütün bunlar pandemiya ilə birgə mübarizə səylərini sarsıdır”, - Rusiya XİN rəsmisi vurğulayıb.
Qeyd edək ki, Amerika Birləşmiş Ştatlarının təşəbbüsü ilə çağırılan “Demokratiya uğrunda sammit”ə Rusiya, Türkiyə və Çin kimi nəhəng beynəlxalq oyunçular dəvət olunmayıb. Ekspertlər ABŞ tərəfindən irəli sürülən təşəbbüsün BMT-də dominantlığını itirən Vaşinqtonun bu quruma alternativ struktur yaratmaq cəhdləri kimi görürlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
