MDB

Ana səhifə

MDB

Rusiya hərbi bazalarının Gürcüstandan çıxarılması prosesi bərpa edilib

12 aprel 2007 14:42 (UTC +04:00)

Rusiya hərbi bazalarının Gürcüstandan çıxarılması prosesi bərpa edilib. APA-nın Rusiya mətbuatına istinadən verdiyi məlumata görə, bu gün Axalkələkdəki hərbi bazadan mühəndis və ağır texnika, həmçinin, “KamAZ” avtomaşınları yüklənmiş eşelon dəmir yolu ilə Rusiyanın Gümrüdəki (Ermənistan) bazasına yola salınıb.
Qeyd edək ki, Rusiya ilə Gürcüstan arasında 2006-cı ildə imzalanmış razılaşmaya görə, Rusiya Axalkələkdəki bazadan Gümrüyə dəmir yolu ilə 5 hərbi eşelon göndərməlidir. Rusiyaya isə həmin bazadan 10 eşelon texnika göndərilməlidir. Bununla da, Axalkələkdəki hərbi baza 2007-ci ilin sonuna qədər ləğv olunmalıdır. Bununla yanaşı, iki ölkənin Xarici İşlər nazirlikləri arasında 2006-cı il mayın 31-də imzalanmış müqaviləyə görə, 2008-ci ilin sonunadək Rusiya Batumidəki hərbi bazasını da Gürcüstan ərazisindən çıxarmalıdır. /APA/