Gürcüstanın şərq hissəsi və paytaxt Tiflis iki saat işıqsız qalıb
09 iyun 2007 08:56 (UTC +04:00)
Gürcüstanın şərq hissəsi və paytaxt Tiflisin elektrik enerjisi ilə təminatında ciddi problemlər yaranıb. Energetika naziri Nika Gilaurinin APA-nın Gürcüstan bürosuna verdiyi məlumata görə, dünən yerli vaxtla 21.00-da “İnquri SES”də ciddi qəza baş verib, bu səbəbdən də ölkənin bir hissəsinə elektrik enerjisi verilməsi dayandırılıb. Qəza nəticəsində “Kartli-2” elektrik ötürücüsü sıradan çıxıb, bu xəttə bağlı olan Şərqi Gürcüstan işıqsız qalıb. Tiflisdə isə metro və digər strateji obyektlərə elektrik enerjisi verilməyib. Yalnız iki saat yarımdan sonra qəza qismən aradan qaldırılıb və Tiflisin bəzi məhəllələrinə enerji verilməsinə başlanılıb. Qeyd edək ki, iki gün əvvəl “İmereti” elektrik ötürücüsündə baş verən qəza nəticəsində Gürcüstanın biz hissəsi işıqsız qalmışdı. /APA/
MDB
Devid Kemeron qazaxıstanlı həmkarı ilə görüşüb
17:24
24 aprel 2024
Lukaşenko: Bəzi ölkələr Belarusu müharibəyə sürükləmək istəyir
16:46
24 aprel 2024
Kreml Şoyqunun müavininin dövlətə xəyanətdə ittiham olunmasına münasibət bildirib
13:52
24 aprel 2024
Baş Prokuror: 2023-cü ildə Rusiyada terror aktlarının sayı 3,5 dəfə artıb
13:41
24 aprel 2024