Gürcü xüsusi təyinatlıları gözyaşardıcı qazdan istifadə edərək müxalifətin mitinqini dağıdıb
07 noyabr 2007 10:46 (UTC +04:00)
APA-nın Gürcüstan bürosunun xəbərinə görə, əvvəlcə polis əməkdaşları mitinqçiləri ərazidən uzaqlaşdırmağa çalışsalar da, buna nail ola bilməyiblər. Hətta bəzi polis əməkdaşlarının müxalifətin tərəfinə keçdiyi barədə xəbər yayılıb. Bunu görən hüquq-mühafizə orqanlarının rəhbərliyi parlament binasının yaxınlığında gözləyən xüsusi təyinatlı dəstəni müxalifət tərəfdarlarının üzərinə göndərib. Daxili İşlər Nazirliyinin xüsusi təyinatlı dəstəsinin 2 minə yaxın üzvü əvvəlcə meqafonla camaatdan meydanı tərk etməyi tələb edib. Tələb yerinə yetirilmədikdən sonra aksiya iştirakçılarının güc tətbiq edilməklə dağıdılmasına başlanıb. Əleyhqaz taxmış xüsusi təyinatlılar mitinqçilərin üzərinə gözyaşardıcı qaz buraxıb və yüksək təzyiqlə su püskürən maşınlardan istifadə edib. Son məlumata görə, hüquq-mühafizə orqanlarının əməkdaşları müxalifət tərəfdarlarını Rustaveli prospektindən sıxışdıraraq çıxarıb. Yaralanan mitinqçilər və bəzi müxalifət liderləri təcili yardım maşınları ilə xəstəxanalara aparılıb. /APA/
MDB
Rusiya XİN: Aİ ilə NATO-nu Ermənistan və onun vətəndaşlarının real ehtiyacları maraqlandırmır
16:46
29 mart 2024
Səfir: Ermənistanın ittifaq dövlətinə qoşulmağa məcbur edilməklə bağlı bəyanatları həqiqətə uyğun deyil
16:31
29 mart 2024
Rusiya XİN 102-ci hərbi bazanı Ermənistanın suverenliyinin yeganə qarantı adlandırıb
16:23
29 mart 2024
"Şakro Molodoy" azadlığa buraxılıb
15:31
29 mart 2024