Gürcüstanın İsveçrədəki səfiri ölkəsində baş verən hadisələrə etiraz əlaməti olaraq vəzifəsindən istefa verib
12 noyabr 2007 13:05 (UTC +04:00)
Gürcüstanın İsveçrə Konfederasiyasındakı səfiri və Cenevrədə yerləşən beynəlxalq təşkilatlardakı missiyalarının rəhbəri Levan Mikeladze vəzifəsindən istefa verib. APA-nın Gürcüstan bürosunun xəbərinə görə, diplomat Tiflisdə noyabrın 7-də baş verən hadisələrdən sonra bu vəzifədə qalmasının mümkün olmadığını bəyan edib. 11 il Gürcüstanın xarici ölkələrdəki diplomatik missiyalarında çalışmış L. Mikeladze həmkarlarından birinə yazdığı və mətbuatın əlinə keçən elektron məktubunda dinc nümayişçilərə qarşı güc tətbiq edilməsindən məyus olduğunu bildirib: “Mənim qərarım müdafiə etdiyim dəyərlərlə bağlıdır. Mən və gürcü xalqı indiyə qədər çox çətin dövr keçirmişik. Təəssüf ki, bu çətinliklər hələ bitməyib. Amma mən inanıram ki, gürcülər bu böhranı da geridə qoyacaq. Ümid edirəm ki, Gürcüstanda hər şey yaxşı olacaq”. Gürcüstan XİN L. Mikeladzenin istefasını təsdiqləyib. /APA/
MDB
Ermənistan yenə MDB tədbirini boykot edib - FOTO
13:58
29 mart 2024
"️Crocus City Hall"da terror aktında yaralananların sayı 382 nəfərə çatıb
11:18
29 mart 2024
Ermənistanda Solovyovun verilişlərinin yayımı qadağan edilib
10:41
29 mart 2024
Lavrov: “KTMT missiyasının mandatı tam razılaşdırılmışdı, lakin Paşinyan dedi ki, konsensus yoxdur”
08:54
29 mart 2024