Çexiyanın Rusiyadakı səfiri Vitezslav Xarici İşlər Nazirliyinə (XİN) çağırılıb.
APA-nın Moskva müxbirinin xəbərinə görə, bu barədə Rusiya XİN-in rəsmi nümayəndəsi Mariya Zaxarova bu gün keçirdiyi brifinqdə bildirib.
O, Çexiya diplomatının Vrbetitsada baş vermiş partlayışla bağlı yeni bəyanatlardan sonra Rusiya XİN-ə dəvət olunduğunu vurğulayıb.
Qeyd edək ki, bu günlərdə Praqa Moskvadan Vrbetitsadakı silah anbarında baş vermiş partlayışa görə 25 milyon avro və ölkənin Rusiyaya dost olmayan ölkələrin siyahısından çıxarılmasını tələb edib.