Özbəkistanın Qaraqalpaq Muxtar Respublikasında torpaq uçqunu olub.
APA-nın Muxtar Respublikanın Prokurorluğunun mətbuat xidmətinə istinadən verdiyi məlumata görə, hadisə su kəməri inşa olunan zaman baş verib.
Nəticədə üç nəfər həyatını itirib, bir nəfər isə uçqun altından çıxarılaraq xəstəxanaya yerləşdirilib.
Torpaq uçqunu altında qalanların 1990, 2006, 2007-ci illər təvəllüdlü olduğu bildirilir.