Rusiyanın Ryazan vilayətində barıt zavodunda yanğında ölənlərin sayı 16-ya çatıb.
APA-nın TASS-a istinadən verdiyi məlumata görə, barıt sexində baş vermiş yanğın artıq söndürülüb.
Sexin binası tamamilə uçub.
***
10.51
Rusiyanın Ryazan vilayətinin Şilov rayonunda “Elastik” zavodunun barıt sexində yanğın baş verib.
APA-nın məlumatına görə, xilasetmə xidmətindən TASS-a bildirilib ki, hadisə nəticəsində 7 nəfər ölüb, 15 nəfər yaralanıb.
FHN-in yerli idarəsindən 9 nəfərin taleyinin naməlum olduğu açıqlanıb.
Yanğına texnoloji prosesin pozulmasının səbəb olduğu bildirilir.
Hadisə yerinə yanğınsöndürmə briqadaları və iki təcili yardım heyəti cəlb olunub. Yanğının qarşısının alınması üçün tədbirlər görülür.
Xilasetmə xidmətindən verilən açıqlamaya görə, yanğın barıt saxlanan birmərtəbəli sexdə qeydə alınıb.
Əhali üçün təhlükə olmadığı bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
