Xilasedicilər Kamçatkada qəzaya uğrayan An-26 təyyarəsinin qalıqlarını aşkar ediblər.
APA-nın xəbərinə görə, bu barədə Rusiya Federal Hava Nəqliyyat Agentliyindən bildirilib.
Qeyd olunub ki, qalıqlar aeroportdan 3,8 km uzaqlıqda, Palana qəsəbəsinin yaxınlığında tapılıb.
Təyyarə Petropavlovsk-Kamçatkadan Palana qəsəbəsinə uçuş yerinə yetirərkən eniş zamanı radarlardan itib.
Ehtimala görə, təyyarə təpəyə çırpılıb. Qəza nəticəsində sağ qalanların olmadığı bildirilir.
Landşaftın xarakteri axtarışların aparılmasını çətinləşdirir.
***
11.17
Xilasedicilər Kamçatkada An-26 təyyarəsinin qəzaya uğradığı yeri müəyyənləşdiriblər.
APA-nın RİA Novosti-yə istinadən xəbərinə görə, təyyarənin dənizə düşdüyü ehtimal edilir.
Sərnişinlər arasında Palana qəsəbəsinin rəhbərliyindən 4 nəfər də var.
***
09.51
Rusiyada sərnişin təyyarəsi radardan itib.
APA-nın RİA Novosti-yə istinadən xəbərinə görə, Petropavlovskdan Kamçatkanın Palana qəsəbəsinə uçuş həyata keçirən An-26 sərnişin təyyarəsi ilə əlaqə saxlamaq mümkün olmayıb.
Məlumata görə, təyyarədə 6 ekipaj üzvü və 23 sərnişin var. Onlardan 2-si uşaqdır.
Hadisə bölgəsinə axtarış-xilasetmə qrupu göndərilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
