Moskva vilayətinin Kubinka rayonunda qəzaya uğrayan İL-112V hərbi nəqliyyat təyyarəsi tamamilə yanıb.
APA nın Moskva müxbirinin TASS-a istinadən verdiyi məlumata görə, bu barədə hüquq mühafizə orqanlarından bildirilib.
"Təyyarə parçalanıb və tamamilə yanıb. Hazırda yanğının tam söndürülməsi işi aparılır", - deyə qeyd olunub.
Hüquq-mühafizə orqanlarındakı mənbə təyyarənin ekipajının sağ mühərrikdə yanğın olduğunu məruzə edə bildiyini söyləyib.
Qeyd edək ki, bu gün Moskva vilayətinin Kubinka aerodromu yağınlığında Rusiyanın İL-112V hərbi nəqliyyat təyyarəsi təlim uçuşu zamanı qəzaya uğrayıb.
Qəza nəticəsində üç ekipaj üzvü həlak olub. Qəzaya sağ mühərrikdə baş verən yanğının səbəb olduğu bildirilib.