Göyərtəsində 6 nəfər olan An-26 təyyarəsi Rusiyanın Xabarovsk diyarında radarlardan itib.
APA-nın xəbərinə görə, bu barədə TASS-a xilasetmə xidmətindən məlumat verilib.
Bildirilib ki, təyyarə rabitə vasitələrinin yoxlanması məqsədilə texniki uçuş yerinə yetirirmiş.
Mərkəzi Xabarovsk aerodromunun 38 km cənub-qərbində təyyarə ilə əlaqə kəsilib.
Digər məlumata görə, təyyarə Xextsirsk qoruğu rayonunda yoxa çıxıb.