“İrsimiz məsuliyyətimizdir” layihəsinə start verilir

“İrsimiz məsuliyyətimizdir” layihəsinə start verilir
# 18 sentyabr 2020 18:33 (UTC +04:00)

Mədəni irsin qorunması və təbliği, tarix və mədəniyyət abidələrinin bərpası, qorunması, tarix və mədəniyyət qoruqlarının fəaliyyətinin təkmilləşdirilməsi və inkişafını təmin etmək, habelə hər bir vətəndaşın tarixə irsin qorunması üçün məsuliyyətini təşviq məqsədi ilə “İrsimiz məsuliyyətimizdir” adlı layihəyə start verilir.

Bu barədə APA-ya Mədəniyyət Nazirliyindən bildirilib. Verilən məlumata görə, layihə Mədəniyyət Nazirliyinin təşəbbüsü, Azərbaycan Gənclər Fondu və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti və Azərbaycan Könüllü Təşkilatları İttifaqının dəstəyi ilə təşkil olunur.

Məlumatda bildirilir ki, hazırda ölkədə müxtəlif fəaliyyət istiqamətləri üzrə könüllü hərəkatları təşəkkül tapıb. Digər sahələrdə olduğu kimi, mədəniyyət sahəsində də dövlət siyasətinin həyata keçirilməsində könüllülərin mühüm rolu vardır. Könüllülərimizin daim öz kreativliyi, təşəbbüskarlığı, innovativ düşüncə tərzi, müasir dünyagörüşləri ilə qoşulduqları fəaliyyətə yeni nəfəs verdiklərini nəzərə alaraq, mədəni irsimizin qorunmasında könüllülərin rolunu artırmaq məqsədilə ölkəmizdə fəaliyyət göstərən bütün könüllü hərəkatları və təşkilatlarının da iştirakı ilə sözügedən layihə reallaşacaq.

Layihənin əsas məqsədi mədəni irs nümunələrimizə cəmiyyətin daha həssas yanaşaraq onların qorunması, öyrənilməsi və tanıdılmasında yaxından iştirak etmək və bütün bunları hər bir vətəndaşın özünə mənəvi vəzifə olaraq qəbul etməsini aşılamaqdır.

İlkin olaraq, lahiyə çərçivəsində tərəfdaş qurumların əməkdaşları və könüllülərin iştirakı ilə sentyabrın 19-u, saat 11:00-da (Ünvan: Buzovna qəsəbəsi, Sarabski küçəsi 34) Təhməzov Hamamı ətrafında abadlıq işləri aparılacaq.

#
#

ƏMƏLİYYAT İCRA OLUNUR