Dövlət başçısı: “Məhdudiyyətlər səbəbindən iş yerini itirənlər üçün sosial paketlərə dövlət büdcəsindən 2,9 milyard dollar vəsait ayrılmışdı”

Prezident İlham Əliyev

© APA | Prezident İlham Əliyev

# 04 noyabr 2021 10:46 (UTC +04:00)

“Biz məhdudiyyətlərin yaratdığı çətinlikləri yumşaltmaq üçün ciddi tədbirlər gördük”.

APA-nın məlumatına görə, bunu Azərbaycan Prezidenti İlham Əliyev “COVID-19-dan sonrakı dünya” mövzusunda Qlobal Bakı Forumunun açılış mərasimində çıxışında deyib.

Dövlət başçısı bildirib ki, 2020-ci və 2021-ci illərdə sosial yardım paketləri yaradılıb: “O insanlar ki, öz iş yerlərini məhdudiyyətlər səbəbindən itirmişdilər, onlar üçün sosial paketlərə 2,9 milyard ABŞ dolları həcmində dövlət büdcəsindən vəsait ayrılmışdı. Biz bu addımları atmaqda davam edəcəyik. Çünki biz tamamilə yeni bir vəziyyətlə üzləşmiş insanlara yardım etməliyik. Biz, əsasən, “SinoVac” və “Pfizer” peyvəndləri tətbiq edirik. Qeyd etdiyim kimi, peyvəndləmə səviyyəsi kifayət qədər yüksəkdir. Bu, dövlət siyasətidir. Eyni zamanda bildirmək istərdim ki, çox məmnunluqla görürük ki, əhalimiz vaksinasiyaya çox məsuliyyətlə yanaşır. Peyvəndləmə könüllüdür. Biz hər hansı antipeyvənd kampaniyası görmürük, buna qarşı bir tendensiyanın şahidi deyilik. Azərbaycan peyvəndləmənin vacibliyini anlayır və bu bizim işimizi xeyli asanlaşdırır”.

#
#

ƏMƏLİYYAT İCRA OLUNUR