Avstraliyanın Kvinslend ştatı 2032-ci ildə keçiriləcək Yay Olimpiya Oyunlarının təşkil etməyə namizədliyini irəli sürmək istəyir.
Apasport.az saytının məlumatına görə, bunu ştatın baş naziri Anasteyşa Palaşuk açıqlayıb.
O bildirib ki, bunun üçün ştatın dövlətdən maliyyə dəstəyi alması lazımdır. Sifariş ərizəsinə Brisben şəhəri, həmçinin Qold-Kost və Şanşayn-Kost kurort zonaları daxil ediləcək.
Qeyd edək ki, Avstraliya artıq iki dəfə Yay Olimpiya Oyunlarına ev sahibliyi edib. Yarışlar 1956-cı ildə Melburnda, 2000-ci ildə Sidneydə baş tutub.