Rusiya 2036-cı ildə keçiriləcək Yay Olimpiya Oyunlarının ev sahibliyinə namizədliyin verilməsini nəzərdən keçirir.
Apasport.az saytının məlumatına görə, bunu Rusiyanın xarici işlər naziri Sergey Lavrov açıqlayıb.
O bildirib ki, artıq bir neçə şəhər bununla bağlı sifarişini verib: “Bu məsələ nəzərdən keçirilir. Sifarişlər hazırlanır. Bir neçə şəhər tam dəqiqdir. Məncə Sankt-Peterburq, Kazan. Bir neçə şəhər artıq sifarişi təqdim də edib. Ona görə digərləri uzatmamalıdır”.
Qeyd edək ki, Yay Olimpiya Oyunları 2024-cü ildə Parisdə, 2028-ci ildə Los-Ancelesdə, 2032-ci ildə Brisbendə təşkil olunacaq.