Azərbaycan İqtisadiyyat Nazirliyinin Sahibkarlığın İnkişafı Fondu (SİF) Azərbaycanın işğaldan azad edilən ərazilərində sahibkarlığı dəstəkləmək və maliyyələşdirmək niyyətindədir.
"Caspian Energy Club"dan "APA-Economics"ə verilən məlumata görə, bunu Fondunun İdarə heyətinin Sədri Kənan Nəcəfov CEC-in təşkilatçılığı ilə keçirilən onlayn B2G Forum çərçivəsində çıxış edərkən deyib.
Onun sözlərinə görə, Fond çərçivəsində sahibkarların subsidiyalaşdırılmasının bir neçə növü həyata keçirilir.
"Bu gün Fondun xətti ilə 2,5 mlrd. manata yaxın güzəştli kreditlər ayrılıb. Bizim prioritetimiz İqtisadiyyat Nazirliyi və ölkədə fəaliyyət göstərən digər fondlarla əlaqəli şəkildə kiçik və orta sahibkarlara dəstək göstərməkdir", - deyə K. Nəcəfov qeyd edib.
SİF rəhbəri həmçinin, Fond çərçivəsində ayrılan vəsaitin istifadəsinin iqtisadiyyatın müxtəlif sektorlarında, həmçinin aqrosənaye kompleksi, İT və turizm sahəsi, sənaye kompleksində və iqtisadiyyatın digər sahələrində həyata keçirildiyini söyləyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
