Sahibkarlıq

Ana səhifə

Sahibkarlıq

Dövlət Əmlakının İdarə Edilməsi üzrə Dövlət Komitəsinin keçirdiyi pul hərracında üç səhmdar cəmiyyətinin səhmləri satılıb

13 avqust 2008 17:50 (UTC +04:00)

Bakı. Rəşad Süleymanov - APA-Economics. Azərbaycan Dövlət Əmlakının İdarə Edilməsi üzrə Dövlət Komitəsi (DƏİEDK) tərəfindən keçirilən 473-cü pul hərracında 3 səhmdar cəmiyyətinin səhmləri satılıb. Bu barədə «APA-Economics»ə DƏİEDK-dən məlumat verilib. Səhmdar cəmiyyətlərdən 1-i Bakıda («Xalq üçün mallar» SC), 2-si isə regionlardadır («Xaçmaz Taxıl» SC və «Quba mini motor» SC).

Səhmdar cəmiyyətlərinin ümumi nizamnamə kapitalı 2 616 770,6 manat, buraxılmış səhmləri 1 308 384 ədəd, bir səhmin nominal dəyəri 2 manat təşkil edib. Satışa hər üç müəssisənin ümumilikdə 240 616 ədəd səhmi çıxarılıb. Satışa çıxarılmış səhmlərin nominal dəyəri və ilkin hərrac qiyməti 481 232 manat olub və səhmlərin hamısı satılıb.

DƏİEDK