Sahibkarlıq

Ana səhifə

Sahibkarlıq

Azərbaycan Sahibkarlar Konfederasiyası ilə Almaniyanın «Mecklenburg-Woprommern» İnstitutu arasında əməkdaşlıq müqaviləsi imzalanacaq

19 yanvar 2009 07:18 (UTC +04:00)

Bakı. Nicat Mustafayev – APA-Economics. Bu ilin yanvar ayının 23-də Azərbaycan Sahibkarlar Konfederasiyası (ASK) ilə Almaniyanın «Mecklenburg-Woprommern» İnstitutu arasında «Sosial Dialoq Sahəsində Əməkdaşlıq» layihəsi üzrə əməkdaşlıq müqaviləsi imzalanacaq.
ASK-dan «APA-Economics»ə verilən məlumata görə, layihənin məqsədi Azərbaycanda sosial tərəfdaşlar (hökumət, işəgötürənlər və həmkarlar) arasında sosial dialoqun inkişaf etdirilməsi, əməkdaşlıq əlaqələrinin genişləndirilməsi, üzvlərə göstərilən xidmətlərin və lobbiçilik fəaliyyətinin təkmilləşdirilməsi sahəsində qabaqcıl Avropa təcrübəsinin öyrənilməsi və tətbiq edilməsidir.
Qeyd edək ki, layihə Beynəlxalq Əmək Təşkilatının dəstəyi ilə həyata keçirilir.