Bu ilin III rübündə Avropa İttifaqında (Aİ) satılan təxminən hər beş avtomobildən biri elektrikləşdirilmiş model olub, ənənəvi yanacaqla işləyən avtomobillərin satışı isə kəskin azalıb.
"APA-Economics"in məlumatına görə, bu barədə "Reuters" Avropa Avtomobil İstehsalçıları Assosiasiyasına (ACEA) istinadən yazır.
Qeyd olunub ki, Aİ-də akkumulyatorlu elektromobillərin və hibrid avtomobillərin satışı ümumi satışların 19%-dən az bir hissəsini təşkil edib.
Xüsusilə, akkumulyatorlu elektromobillərin satışı demək olar ki, 57% artaraq 212 mindən çox, hibrid modellərin satışı isə təxminən 43% artaraq 197 mindən çox olub.
On il əvvəl Aİ-də dizel avtomobilləri satışların 50%-dən çoxunu təşkil edirdi, lakin son rübdə onların payı 18%-dən aşağı düşüb.