Avrora Qrup beş əsas dəyərindən biri olan “Sosial və ictimai məsuliyyət” konsepsiyasına uyğun olaraq Ramazan bayramı ilə əlaqədar yardım aksiyası keçirib. Şirkət aksiya zamanı Qızıl Aypara Cəmiyyətində qeydiyyatda olan II Qarabağ müharibəsində iştirak etmiş qazilərimizin və şəhidlərimizin ailələri ilə görüşüb, onlara bayram sovqatı çatdırıb.
Yardım aksiyası Binəqədi rayonunun 9-cu və 7-ci mk. rayon ərazisində, Rəsulzadə qəsəbəsi və Binəqədi kəndində, Nizami və Sabunçu rayonu ərazisində keçirilib.
Bundan başqa, Avrora şirkəti aztəminatlı, kimsəsiz, yaşlı və əlil insanları da unutmayıb. Belə ki, şirkət Suraxanı Rayonu İcra Hakimiyyətində qeydiyyatda olan ailələrə ərzaq bağlamaları təqdim edib. Qeyd edək ki, Avrora Qrup korporativ sosial məsuliyyət layihələri planına əsasən yanvar ayından etibarən hər ay Suraxanı rayonu üzrə şəhid və qazi ailələrinə də ərzaq bağlamaları göndərir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
