Azərbaycan əhalisi iyunda əczaçılıq məhsullarına 80 mln. manat xərcləyib

Azərbaycan əhalisi iyunda əczaçılıq məhsullarına 80 mln. manat xərcləyib
# 15 iyul 2021 12:50 (UTC +04:00)

Bu ilin yanvar-iyun aylarında Azərbaycanda istehlakçılar tərəfindən pərakəndə ticarət şəbəkəsində əczaçılıq məhsulları və tibbi ləvazimatlara 433,9 mln. manat xərclənib.

"APA-Economics"in Dövlət Statistika Komitəsinin hesabatı əsasında apardığı hesablamalarına görə, bu rəqəm əvvəlki ilin analoji dövrü ilə müqayisədə 35,7% artıb.

Cari ilin iyun ayında satışların həcmi 80 mln. manat təşkil edib ki, bu da may ayı ilə müqayisədə 14% çoxdur.

Qeyd edək ki, hesabat dövründə istehlakçıların pərakəndə ticarət şəbəkəsində xərclədiyi vəsaitin 2,2%-i əczaçılıq məhsulları və tibbi ləvazimatların alınmasına sərf olunub, bu da illik müqayisədə 0,5 faiz bəndi çoxdur.

#
#

ƏMƏLİYYAT İCRA OLUNUR