Azərbaycanla Türkiyə arasında imzalanmış Preferensial Ticarət Sazişinin əhatə etdiyi siyahının genişləndirilməsi Azərbaycanda Müstəqil Sənayeçi və İş Adamları Dərnəyi (MUSİAD) tərəfindən Azərbaycanda və Türkiyədə iştirak etdiyi bütün platformalarda səsləndirilir.
Bunu "APA-Economics"ə MÜSİAD-ın Bakı ofisinin rəhbəri Əbdürrəhman Uzun deyib.
Onun sözlərinə görə, bu sazişin bəlli bir məqama çatdırılması iki ölkə üçün heç də asan olmadı: "Hər iki ölkənin fərqli anlaşmaları var. Bu sazişlə iradə ortaya qoyuldu. Davamlı olacağına inanırıq. Sazişin genişləndirilməsi ən böyük istəyimiz və arzumuzdur".