Azərbaycana mobil telefonların idxalı azalıb

Azərbaycana mobil telefonların idxalı azalıb
# 14 iyun 2021 12:00 (UTC +04:00)

Bu ilin aprel ayında Azərbaycana 104 493 ədəd mobil və ya başqa simsiz rabitə şəbəkəsi üçün telefon aparatları idxal olunub.

Bu barədə “APA-Economics”ə Dövlət Statistika Komitəsindən bildirilib.

Komitədən verilən məlumata görə, mart ayı ilə müqayisədə apreldə idxal 43,5% azalıb.

Apreldə idxal olunan məhsulların dəyəri 15 663,7 min ABŞ dolları təşkil edib ki, bu da mart ayının göstəricisindən 43,3% azdır.

Həmçinin bildirilib ki, ümumilikdə, cari ilin yanvar-aprel aylarında ölkəyə 588 114 ədəd mobil qurğu idxal olunub. Bu, ötən ilin müvafiq göstəricisi ilə müqayisədə 93,2% çoxdur. Qeyd olunan müddətdə idxal olunan məhsulların dəyəri 90 808,3 min dollar təşkil edib ki, bu da 2020-ci ilin ilk dörd ayının göstəricisini 2,2 dəfə üstələyir.

#
#

ƏMƏLİYYAT İCRA OLUNUR