Azərbaycan Sahibkarlar Konfederasiyası (ASK) ilə Pakistan Ticarət və Sənaye Palataları Federasiyası arasında əməkdaşlıq memorandumu imzalanıb.
Konfederasiyadan “APA-Economics”ə verilən məlumata görə, sənədi ASK-nın prezidenti Məmməd Musayev və Pakistan Ticarət və Sənaye Palataları Federasiyasının vitse-prezidenti Mian Nəsir Xan imzalayıblar.
Qeyd olunub ki, memorandum ölkələr arasında iqtisadi əlaqələrin inkişafına dəstək, birgə fəaliyyət üçün sahələrin seçilməsi, layihələrin müəyyənləşdirilməsi və digər məsələləri əhatə edir.