Bu ilin ikinci yarısında Bakıda “Young Business Hub Azerbaijan İnvesment” sammiti keçiriləcək.
Kiçik və Orta Biznesin İnkişafı Agentliyindən (KOBİA) "APA-Economics"ə verilən məlumata görə, bununla bağlı Agentlik və İslam Əməkdaşlıq Təşkilatının Gənclər Forumu (ICYF) arasında əməkdaşlığa dair Anlaşma Memorandumu imzalanıb.
Sənədi Agentliyin İdarə Heyətinin sədri Orxan Məmmədov və ICYF-in prezidenti Taha Ayhan imzalayıblar.
Tərəflər arasında əməkdaşlıq əlaqələrinin genişləndirilməsi imkanlarına dair fikir mübadiləsi aparılıb.