Bu ilin yanvar-avqust ayları ərzində Gürcüstan Azərbaycandan 448,7 mln. kVt-saat elektrik enerjisi idxal edib.
APA-nın yerli bürosu xəbər verir ki, bu barədə Gürcüstan Elektrik Enerjisi Sistemi Kommersiya Operatorunun (ESCO) yenilənmiş hesabatında qeyd olunub.
Bildirilib ki, bu göstərici illik müqayisədə 311,8 mln. kVt-saat və ya 2 dəfə azdır. Belə ki, ötən ilin ilk 8 ayı ərzində Gürcüstan Azərbaycandan 760,538 mln. kVt-saat elektrik enerjisi idxal edib. Azərbaycandan idxal Gürcüstanın ümumi idxalının 53,7%-ni təşkil edib. Gürcüstanın elektrik enerjisi idxalının 46,3%-i isə Rusiyanın payına düşüb – 386,5 mln. kVt-saat. Bu, ötən ilin analoji dövrü ilə müqayisədə 5 dəfə çoxdur. Belə ki, ötən ilin ilk 8 ayında Gürcüstan Rusiyadan 74,651 mln. kVt-saat elektrik enerjisi idxal edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
