Naxçıvan Muxtar Respublikasında alternativ enerji istehsalı sahələrinin yaradılması çərçivəsində 57,7 MVt gücündə elektrik stansiyaları tikilir.
Naxçıvan Dövlət Statistika Komitəsindən "APA-Econonics"ə verilən məlumata görə, hazırda Ordubad rayonunda 36 MVt gücündə Ordubad Su Elektrik Stansiyasının və 15,6 MVt gücündə Tivi Su Elektrik Stansiyasının tikintisi aparılır.
Bundan başqa, Şərur rayonunda 5 MVt gücündə Günəş Elektrik Stansiyasının, Culfa rayonunda isə 1,1 MVt gücündə Külək-Günəş Hibrid Elektrik Stansiyasının tikintisi davam etdirilir.