"Petkim" neft-kimya məhsulunun istehsalını 24% artırıb

"Petkim" neft-kimya məhsulunun istehsalını 24% artırıb
# 02 mart 2020 17:38 (UTC +04:00)

"Petkim" neft-kimya kompleksi (əsas payı SOCAR məxsusdur – red.) 2019-cu ildə 3,4 mln. ton məhsul istehsal edib ki, bu da 2018-ci ilin göstəricisi ilə müqayisədə 24% çoxdur.

"APA-Economics"in "Petkim"ə istinadən verdiyi məlumata görə, 2019-cu ildə şirkətin gəliri 11,7 mlrd. türk lirəsi (1,9 mlrd. ABŞ dolları) təşkil edib ki, bu da illik ifadədə 25,3% artım deməkdir.

Qeyd edək ki, 3 aprel 1965-ci il tarixində başda Türkiye Petrolleri Anonim Ortaklığı (TPAO) olmaqla təsis edilən "Petkim" fəaliyyətə 1970-ci ildə Kocaelidəki Yarımca Kompleksinə daxil olan 5 zavodun qurulması ilə başlamışdır. 30 may 2008-ci il tarixində keçirilmiş hərracda "Petkim Petrokimya Holdinq" A.Ş.-nin səhmlərinin 51%-i 2 milyard 40 milyon dollara SOCAR&Turcas Enerji A.Ş. tərəfindən əldə edilmişdir.

Hazırda "Petkim"in nəzdində aşağı sıxlıqlı polietilen, yüksək sıxlıqlı polietilen, polipropilen, polivinil xlorid, akrilonitril, etilen qlikol, saflaşdırılmış turşu, aromatik karbohidrogenlər, etilen-propilen, xlor qələvi, vinil xlorid monomer, plastik işlər və ftal anhidridi fabrikləri fəaliyyət göstərir. Türkiyə sanayesini xammalla təchiz edən "Petkim"in istehsal etdiyi neft-kimya məhsulları inşaat, kənd təsərrüfatı, elektrik enerjisi, elektron, tekstil sənayesində, eyni zamanda əczaçılıq, boya, yuyucu məhsullar, kosmetika məhsulları istehsalı və digər sahələrdə geniş istifadə olunur.

#
#

ƏMƏLİYYAT İCRA OLUNUR