"Petkim" ötən il Egey bölgəsinin ən iri ixracatçısı olub

#
# 13:59
2 mart 2020

"Petkim" neft-kimya kompleksi (əsas payı SOCAR-a məxsusdur) 2019-cu ildə 622 mln. ABŞ dollarlıq məhsul ixrac edib.

"APA-Economics"in "Petkim"ə istinadən verdiyi xəbərə görə, bu göstərici ilə "Petkim" neft-kimya kompleksi Egey bölgəsinin ən iri ixracatçısı olub.

Qeyd edək ki, 3 aprel 1965-ci il tarixində başda Türkiye Petrolleri Anonim Ortaklığı (TPAO) olmaqla təsis edilən "Petkim" fəaliyyətə 1970-ci ildə Kocaelidəki Yarımca Kompleksinə daxil olan 5 zavodun qurulması ilə başlamışdır. 30 may 2008-ci il tarixində keçirilmiş hərracda "Petkim Petrokimya Holdinq" A.Ş.-nin səhmlərinin 51%-i 2 milyard 40 milyon dollara SOCAR&Turcas Enerji A.Ş. tərəfindən əldə edilmişdir. Hazırda "Petkim"in nəzdində aşağı sıxlıqlı polietilen, yüksək sıxlıqlı polietilen, polipropilen, polivinil xlorid, akrilonitril, etilen qlikol, saflaşdırılmış turşu, aromatik karbohidrogenlər, etilen-propilen, xlor qələvi, vinil xlorid monomer, plastik işlər və ftal anhidridi fabrikləri fəaliyyət göstərir. Türkiyə sanayesini xammalla təchiz edən "Petkim"in istehsal etdiyi neft-kimya məhsulları inşaat, kənd təsərrüfatı, elektrik enerjisi, elektron, tekstil sənayesində, eyni zamanda əczaçılıq, boya, yuyucu məhsullar, kosmetika məhsulları istehsalı və digər sahələrdə geniş istifadə olunur.

#
#

ƏMƏLİYYAT İCRA OLUNUR