OPEC (Neft İxrac Edən Ölkələr Təşkilatı) bu il təşkilata daxil olmayan ölkələrdə gündəlik ortalama neft hasilatı həcmlərinin 2,43 mln. barel azalaraq 62,73 mln. barelədək enəcəyini proqnozlaşdırır.
"APA-Economics"in OPEC-in aylıq hesabatına istinadən verdiyi məlumata görə, gələn il isə sözügedən ölkələrdə əksinə, gündəlik neft hasilatı artacaq (0,95 mln. barel) və 63,68 mln. barel təşkil edəcək.
Bu il üçün proqnozun azaldılması Norveç, ABŞ və Böyük Britaniyada cari ilin III rübündə istehsalın gözləniləndən daha aşağı olduğu ilə izah edilir.
Bununla yanaşı, OPEC neftə olan qlobal gündəlik tələbatla bağlı proqnozunu 0,3 mln. barel azaldaraq 9,8 mln. barelə endirib. Beləliklə, proqnoza əsasən, 2020-ci ildə bu göstəricinin 90 mln. barel səviyyəsində olacağı gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
