Bu ilin II rübündə SOCAR xarici bazarlara 5,04 mln. ton neft ixrac edib.
SOCAR-dan "APA-Economics"ə verilən məlumata görə, hesabat dövründə ölkədən qaz ixracı ümumilikdə 3 mlrd. kubmetr həcminə yaxın olub ki, bu da ötən ilin müvafiq dövrü ilə müqayisədə 22,5% çoxdur.
Məlumata əsasən, bilavasitə SOCAR tərəfindən isə 138 mln. kubmetr təbii qaz ixrac olunub.
"Neft emalı və neft-kimya məhsullarının ixracı aprel-iyun aylarında təqribən 671 min ton təşkil edib", - şirkətdən bildirilib.