SOCAR-ın Gürcüstandakı Kulevi Neft Terminalı ("Black Sea Terminal”) 2008-ci ilin may ayından bəri 26 mln. ton karbohidrogen və neft-kimya məhsulları aşırıb.
"APA-Economics"in terminala istinadən verdiyi məlumata görə, 2019-cu ildə SOCAR-ın Qara Dəniz Terminalı 1,61 mln. tona yaxın karbohidrogen və neft-kimya məhsulu aşırıb, bu da 2018-ci ilin göstəricisi ilə müqayisədə 16% çoxdur.
Qeyd edək ki, Kulevi terminalı neft və neft məhsullarının tranziti üçün nəzərdə tutulub. Dəmiryolu və gəmilər vasitəsilə nəql olunan məhsullar burada boşaldılır, rezervuarlarda saxlanılır və gəmilərə yüklənir. Burada əməliyyatlara 2008-ci il mayın 16-da başlanılıb.
Yüklərin boşaldılması 4 xətli körpülərdə həyata keçirilir ki, bu da eyni zamanda 168 dəmiryolu çən-vaqonun boşaldılmasına imkan verir. Terminal vasitəsilə xam neft, mazut, dizel yanacağı, qazoyl, metanol, aviasiya yanacağı, propilen, maye piroliz qatranı, nafta, izopropil spirti, sənaye nefti və kondensatın yüklənməsi həyata keçirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
