Bu ilin yanvar-oktyabr aylarında Azərbaycanda 28,8 mln. ton neft (kondensatla birlikdə) hasil edilib.
Azərbaycan Energetika Nazirliyindən "APA-Economics"ə verilən məlumata görə, neft (kondensatla birlikdə) hasilatı ötən ilin müvafiq dövrü ilə müqayisədə təxminən 2,3 mln. ton az olub.
Məlumata əsasən, respublika üzrə hasil edilmiş neftin 19,7 mln. tonu "Azəri-Çıraq-Günəşli" neft-qaz yataqlarının, 2,9 mln. tonu (kondensat) "Şahdəniz" qaz-kondensat yatağının payına düşüb.
"SOCAR üzrə hasilat 6,2 mln. ton təşkil edib", - nazirlikdən bildirilib.