“Hazırda asanlıqla hasil edilə bilən neft resursları mövcud deyil, mürəkkəb yataqların işlənilməsi isə elmi metodların tətbiqini tələb edir”.
“APA-Economics”in Rusiya mətbuatına istinadən verdiyi məlumata görə, bunu “Lukoil” şirkətinin rəhbəri Vahid Ələkbərov deyib.
Onun sözlərinə görə, şirkət yeni texnologiyaların tətbiqi və istedadlı mütəxəssislərin cəlb edilməsi sayəsində bu ilin sonunadək 7 mln. ton mürəkkəb çıxarılan neft hasil edəcək.
“Biz artıq şist yataqlarında da iş aparırıq, Bojenov lay dəstəsində çalışırıq, bunların hamısı elmin tətbiqini tələb edir. Bu gün elmi-layihə işləri bizim qiymətimizin 5%-ni təşkil edir”, - deyə V. Ələkbərov bildirib.
Qeyd edək ki, neft və qazın kəşfiyyatı və istehsalı “Lukoil”ın fəaliyyətinin əsas elementidir. Hazırda şirkət 12 ölkədə kəşfiyyat və hasilat işlərini aparırıq. Şirkət Azərbaycanda neft-qaz bazarında da təmsil olunub, belə ki “Lukoil” Xəzərin Azərbaycan sektorunda yerləşən qaz-kondensat yatağının işlənilməsi layihəsində 10% ilə təmsil olunub.