Azərbaycan və Qətər bərpa olunan enerji sahəsində əməkdaşlıq imkanlarını müzakirə edib 

Azərbaycan və Qətər bərpa olunan enerji sahəsində əməkdaşlıq imkanlarını müzakirə edib 
# 21 iyun 2021 09:48 (UTC +04:00)

Azərbaycanın energetika naziri Pərviz Şahbazov Qətər Dövlətinin Azərbaycandakı səfiri Feysəl bin Abdullah Al Hinzabı qəbul edib.

Nazirlikdən "APA-Economics"ə verilən məlumata görə, görüşdə energetika sahəsində ikitərəfli münasibətlərin inkişaf perspektivləri və gələcək əməkdaşlıq imkanları müzakirə edilib.

Səfir "Cənub Qaz Dəhlizi" layihəsinin başa çatması və Azərbaycan təbii qazının Avropaya nəqlinin başlanması münasibətilə təbriklərini çatdırıb, bu layihənin Avropanın enerji təhlükəsizliyinin təmininə verdiyi töhfəni vurğulayıb.

Görüşdə enerji keçidi prosesində təbii qazın atmosferə daha az karbon emissiyası atması nəzərə alınaraq keçid yanacağı kimi vacib rolu qeyd olunub. İki ölkə arasında bərpa olunan enerji və enerji səmərəliliyi sahəsində əməkdaşlıq imkanları müzakirə edilib. Hər iki sahə üzrə Azərbaycanda qanunvericilik bazasının təkmilləşdirilməsi istiqamətində görülmüş işlər haqqında məlumat verilib. Energetika sektorunun inkişafına özəl, o cümlədən xarici investisiyaların cəlb edilməsi istiqamətində addımların atıldığı və Qətər şirkətlərinin gələcəkdə Azərbaycanda bərpa olunan enerji sahəsi üzrə təşkil ediləcək hərraclarda iştiraka təşviq edilməsinin əhəmiyyəti vurğulanıb.

#
#

ƏMƏLİYYAT İCRA OLUNUR