Azərbaycan-Fransa Ticarət və Sənaye Palatasına üzv şirkətlərlə Sənaye və İnnovasiyalar üzrə Bakı Dövlət Peşə Təhsil Mərkəzi arasında memorandum imzalanıb.
"APA-Economics"in məlumatına görə, təhsil mərkəzində tərəflər arasında keçirilən görüşdə gələcək əməkdaşlığın istiqamətləri müzakirə olunub, həmçinin tələbələrin təcrübə-istehsal proqramları, istedadların aşkar edilməsi, müvafiq sahələrdə onların inkişafına şərait yaratmaq, fərqli yaş qruplarından olan şəxslər üçün ömürlük təhsil imkanları və bu məqsədlərə nail olmaq üçün sənaye qurumları ilə məqsədyönlü əməkdaşlıq Mərkəzin əsas yer aldığı vurğulanıb.
Görüşün sonunda Sənaye və İnnovasiyalar üzrə Bakı Dövlət Peşə Təhsil Mərkəzi ilə Azərbaycan-Fransa Ticarət və Sənaye Palatasına üzv şirkətlər arasında yer alan "Sigma Technical Servises", "Suez" və "Alstom" kimi nüfuzlu şirkətlərlə əməkdaşlıq memorandumu imzalanıb.