Bərpa olunan enerji mənbələrindən istifadə sahəsində dövlətin vəzifələri müəyyənləşib

Bərpa olunan enerji mənbələrindən istifadə sahəsində dövlətin vəzifələri müəyyənləşib
# 17 may 2021 11:09 (UTC +04:00)

Azərbaycanda elektrik enerjisi istehsalında bərpa olunan enerji mənbələrindən istifadə sahəsində dövlət tənzimlənməsinin prinsipləri və bu sahədə dövlətin vəzifələri müəyyənləşib.

APA-nın məlumatına görə, bu, “Elektrik enerjisi istehsalında bərpa olunan enerji mənbələrindən istifadə haqqında” qanun layihəsində əksini tapıb.

Elektrik enerjisi istehsalında bərpa olunan enerji mənbələrindən istifadə sahəsində dövlət tənzimlənməsinin prinsipləri aşağıdakılardır:

- dəstək mexanizmlərinin tətbiqi;

- dəstək mexanizmlərindən bərabər istifadə imkanı və şəffaflığın təmin edilməsi;

- istehsalçılar üçün elektrik şəbəkəsindən bərabər istifadə imkanlarının yaradılması;

- bərpa olunan enerji mənbələrindən elektrik enerjisi istehsalında beynəlxalq standartların tətbiqi;

- bərpa olunan enerji mənbələri potensialından səmərəli istifadənin təmin edilməsi.

Elektrik enerjisi istehsalında bərpa olunan enerji mənbələrindən istifadə sahəsində dövlətin vəzifələri isə aşağıdakılardır:

- elektrik enerjisi istehsalında bərpa olunan enerji mənbələrindən istifadə sahəsində dövlət siyasətini formalaşdırmaq və həyata keçirmək;

-  elektrik enerjisi istehsalında bərpa olunan enerji mənbələrindən istifadə sahəsində fəaliyyət planlarını qəbul etmək;

- elektrik enerjisi istehsalında bərpa olunan enerji mənbələrindən istifadə sahəsində normativ hüquqi aktları qəbul etmək;

-  elektrik enerjisi istehsalında bərpa olunan enerji mənbələrindən istifadə sahəsinə yerli və xarici investisiyaların cəlb edilməsi məqsədilə əlverişli investisiya mühitinin yaradılmasını təmin etmək;

- bərpa olunan enerji mənbələrinin ərazilərini müəyyənləşdirmək;

-  elektrik enerjisi istehsalında bərpa olunan enerji mənbələrindən istifadə sahəsində dəstək mexanizmlərini tətbiq etmək;

-  peşəkar mütəxəssislərin hazırlanması, kadr potensialının gücləndirilməsi və tədris proqramlarının tərtibi ilə bağlı tədbirlər həyata keçirmək.

 

 

#
#

ƏMƏLİYYAT İCRA OLUNUR