BP və tərəfdaşları indiyədək Azərbaycandakı layihələrə 78 mlrd. dollardan çox sərmayə yatırıb

BP və tərəfdaşları indiyədək Azərbaycandakı layihələrə 78 mlrd. dollardan çox sərmayə yatırıb
# 16 iyul 2021 12:06 (UTC +04:00)

Böyük Britaniyanın BP şirkəti öz tərəfdaşları ilə birlikdə bu vaxtadək Azərbaycanda operatorluq etdiyi layihələrə 78,5 mlrd. ABŞ dollarından artıq sərmayə qoyub.

BP-dən "APA-Economics"ə verilən məlumata görə, BP şirkəti Azərbaycanda 28 ildir ki, neft və qazın kəşfiyyatı, işlənməsi və nəqli üzrə iri layihələrin operatorluğunu təhlükəsiz, səmərəli və etibarlı şəkildə həyata keçirir.

"Ölkədə həyata keçirdiyimiz geniş sosial sərmayə fəaliyyətlərimiz və bacarıqların inkişaf etdirilməsi istiqamətindəki səylərimiz müsbət təsirə malik olub və insanlara əhəmiyyətli faydalar gətirməklə, onların həyatını yaxşılaşdırıb və dəyişdirib", - məlumatda qeyd edilir.

Ümumilikdə, fəaliyyətə başladığı vaxtdan indiyədək BP özü və onun əməliyyatçısı olduğu birgə layihələrdəki tərəfdaşları adından ölkədəki sosial sərmayə layihələrinə 94 mln. dollardan çox vəsait xərcləyib.

Qeyd edək ki, BP şirkəti Azərbaycanda "Azəri-Çıraq-Günəşli", Bakı-Tbilisi-Ceyhan neft kəməri, "Şahdəniz" və Cənubi Qafqaz Boru Kəməri layihələrin iştirakçısıdır. 

#
#

ƏMƏLİYYAT İCRA OLUNUR