MM-ə enerji resurslarından səmərəli istifadə ilə bağlı yeni qanun layihəsi daxil olub

Milli Məclisin binası

© APA | Milli Məclisin binası

# 17 iyun 2021 11:54 (UTC +04:00)

Milli Məclisə yeni qanun layihəsi daxil olub.

APA-nın məlumatına görə, “Enerji resurslarından səmərəli istifadə və enerji effektivliyi haqqında” qanun layihəsi 8 fəsil, 23 maddədən ibarətdir.

Qanun layihəsi Azərbaycan Respublikası Konstitusiyasının 94-cü maddəsinin I hissəsinin 11-ci bəndinə uyğun olaraq enerji resurslarından səmərəli istifadə və enerji effektivliyi sahəsində dövlət siyasətinin hüquqi, təşkilati və iqtisadi əsaslarını müəyyən edir, bu sahədə dövlət orqanlarının (qurumlarının), fiziki və hüquqi şəxslərin fəaliyyətini və onlar arasında yaranan münasibətləri tənzimləyəcək.

Qanun enerjinin istehsalı, saxlanması, ötürülməsi, paylanması, satışı və istehlakı sahəsində yaranan münasibətləri tənzimləyir və bu sahədə fəaliyyət göstərən dövlət orqanlarına (qurumlarına), fiziki və hüquqi şəxslərə, o cümlədən son istehlakçılara şamil olunur.

Qeyd edək ki qanun Milli Məclisdə qəbul edildiyi təqdirdə 2022-ci il iyulun 1-dən qüvvəyə minəcək. Qanun qüvvəyə mindiyi gündən “Enerji resurslarından istifadə haqqında” 1996-cı il 30 may tarixli 94-IQ nömrəli qanun ləğv ediləcək.

#
#

ƏMƏLİYYAT İCRA OLUNUR