Bu gün "OPEC+" razılaşması çərçivəsində bir necə iclas keçiriləcək. Görüşlər zamanı razılaşma iştirakçıları hazırda qüvvədə olan razılaşma şərtlərini (bir neçə ay ərzində gündəlik neft hasilatının 400 min barel artırılması şərti) qoruyub saxlanılması məsələsini müzakirə ediləcək.
"APA-Economics"in məlumatına görə, ilk olaraq Bakı vaxtı ilə saat 18:00-da "OPEC+" (OPEC və təşkilata daxil olmayan ölkələri əhatə edən neft istehsalının azaltması üzrə təşəbbüs) nazirlərinin monitorinq komitəsinin iclası keçiriləcək. Ənənəvi olaraq komitə alyansın bütün ölkələrinin nazirlərinin iştirakı ilə keçiriləcək görüş (Bakı vaxtı ilə saat 19:00-da) üçün tövsiyələrini hazırlayır.
Xatırladaq ki, Azərbaycanda "OPEC+" razılaşmasının aktiv iştirakçısıdır.
Qeyd edək ki, avqustun 1-dən etibarən "OPEC+" ölkələri nazirlərinin ötən ay keçirilmiş 19-cu iclasında qəbul edilən yeni "Əməkdaşlıq Bəyannaməsi" qüvvədədir. Yeni razılaşmaya görə, avqustdan başlayaraq (avqust-dekabr aylarında – red.) "OPEC+" ölkələrinin hər ay gündəlik xam neft hasilatını 400 min barel artırması planlaşdırılır. Bu qərarın qüvvədə olduğu müddətdə Azərbaycan gündəlik xam neft hasilatını hər ay təxminən 7 min barel artırmaq və müvafiq olaraq ixtisarlarla bağlı öhdəliklərini azaltmaq imkanı əldə etmiş olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
