"OPEC+" monitorinq komitəsinin iki saatdan az davam edən iclası yanvar ayı üçün neft hasilatının səviyyəsi ilə bağlı tövsiyə verilmədən başa çatıb.
"APA-Economics"in məlumatına görə, bu barədə TASS iki mənbəyinə istinadən xəbər verir.
"Heç bir tövsiyə yoxdur, görüş başa çatıb. Yaxın vaxtlarda nazirlərin konfransı başlayacaq", - mənbə bildirib, digəri isə təsdiq edib.
Xatırladaq ki, ilkin olaraq "OPEC+" nazirlərinin görüşü Bakı vaxtı ilə saat 17:00-a planlaşdırılıb.
Qeyd edək ki, sözügedən monitorinq komitəsinə "OPEC+" sazişində iştirak edən 23 ölkədən 8-i daxildir. Bunlar Rusiya, Səudiyyə Ərəbistanı, BƏƏ, İraq, Küveyt, Əlcəzair, Venesuela və Qazaxıstandır. Nazirlər "OPEC+" texniki komitəsinin neft bazarı ilə bağlı hazırladığı hesabata baxacaqlar. Texniki komitənin iclası ötən gün keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
