SOCAR ötən il (pandemiya dövründə) 34 205 ton yanacaq (benzin və dizel) istehlak edib, bu da illik müqayisədə 28% azdır.
Bunu "APA-Economics"ə SOCAR-ın Tədbirlərin təşkili və ictimaiyyətlə əlaqələr şöbəsinin müdir müavini İbrahim Əhmədov bildirib.
Onun sözlərinə görə, 2019-cu ildə şirkət üzrə yanacaq istehlakı 47 257 ton təşkil edib.
Bundan başqa, ötən il SOCAR üzrə azalma elektrik enerjisinin istehlakında da yer alıb. Belə ki, İ. Əhmədovun sözlərinə görə, 2020-si ildə SOCAR 1 087,9 mln. kVt-saat elektrik enerjisi istehlak edib, bu da illik müqayisədə 10 azalma deməkdir. 2019-cu ildə SOCAR üzrə elektrik enerjinin istehlakı 1 207,9 mln. kVt-saat səviyyəsində olub.
"SOCAR Azərbaycanda istifadə etdiyi elektrik enerjisinin 26%-ə yaxın hissəsini öz daxili imkanları ilə istehsal edib, qalan hissəsini dövlət qurumlarından alıb", - İ. Əhmədov əlavə edib.
Qeyd edək ki, 2019-cu ildə enerji istehlakının artımı bir sıra zavod və müəssisələrin SOCAR-ın tərkibində fəaliyyətə başlaması ilə bağlı olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
