Rusiyanın "Lukoil" şirkətinin rəhbəri Vahid Ələkbərov bildirib ki, bu gün "Lukiol"in artıq sırf neft şirkəti olmamasına baxmayaraq, onun adını dəyişmək fikrində deyil.
"APA-Economics"in məlumatına görə, bunu Vahid Ələkbərov "Kommersant"a müsahibəsində qərb enerji istehsalçılarından nümunə götürərək şirkətin adının dəyişdirilməsinin planlaşdırılıb-planlaşdırmadığı barədə suala cavabında bildirib.
"Bu missiyanı varisimə buraxacağam, mənim buna əlim qalxmayacaq", - V. Ələkbərov qeyd edib.
Onun sözlərinə görə, bu gün şirkət artıq tək neft deyil, enerji şirkətidir və gələcəkdə də belə qalacaq.