"Bütün dünyada, o cümlədən Azərbaycanda onkoloji xəstələrin sayı artıb”.
APA-nın məlumatına görə, bunu Azərbaycanda onkoloji xidmətin yaradılmasının 80 illiyinə həsr edilmiş elmi konfransda baş onkoloq Azad Kərimli deyib.
O bildirib ki, 2016-ci ildə 43927 xəstə qeydiyyatda olmuşdusa, ötən il bu göstərici 54400 nəfərə çatıb: “Burada demoqrafik göstəricilərə də nəzər salmaq lazımdır. Demoqrafik göstəricilərlə müqayisəli götürsək, artım olan yerdə istər-istəməz onkoloji xəstəliklərdə də artım müşahidə olunur. Bu gün onkoloji xəstələrin aşkarlanmasında vəziyyət çox yaxşıdır. 2016-ci ildə 17 166 nəfər 5 və 5 ildən artıq yaşayanlar idisə, 2020-ci ildə bu göstərici 19 766 nəfər olub. Ümumi ölüm göstəricilərinə baxsaq, 75 min ölüm hadisəsi qeydə alınıb, onkoloji xəstəliklərdən ölüm cəmi 6 faiz olub".
O qeyd edib ki, fevral ayında səyyar şəkildə Tovuz və Ağstafa rayonlarında uşaqlar arasında profilaktik baxış aparılıb: "Nəticədə 4 nəfərdə onkoloji xəstəliyin olduğu aşkarlanıb. Belə tədbirlərin aparılması, əhalinin maarifləndirilməsi xəstəliyin vaxtında aşkarlanmasına gətirib çıxaracaq".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
