Türkiyədə səfərdə olan Azərbaycan Respublikasının ekologiya və təbii sərvətlər naziri Muxtar Babayev Türkiyə Respublikasının kənd təsərrüfatı və meşə naziri Bəkir Pakdəmir ilə görüşüb.
APA-nın yerli bürosunun xəbərinə görə, bu barədə Azərbaycanın Türkiyədəki Səfriliyi məlumat yayıb.
Bildirilib ki, görüşdə səmərəli fikir mübadiləsi aparılıb və “Azərbaycan Respublikası Hökuməti ilə Türkiyə Respublikası Hökuməti arasında balıqçılıq sahəsində əməkdaşlığa dair Saziş” imzalanıb.
Səfər zamanı M.Babayev “Gələcəyə nəfəs” kampaniyası çərçivəsində Türkiyə Respublikası Prezident Kompleksində Milli Ağaclandırma Günü Ağacəkmə Mərasiminə qatılıb və orada ağac əkib.
Həmçinin Muxtar Babayevin rəhbərlik etdiyi heyət ilə FAO-nun direktor müavini Maria Helena Samedonun rəhbərlik etdiyi heyət arasında görüş keçirilib və qarşılıqlı maraq doğuran sahələrdə əməkdaşlıq məsələləri müzakirə edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
