Burkina-Fasonun Sanmatenqa əyalətində naməlum silahlı şəxslər 19 nəfəri öldürüb.
APA “Sinxua”ya istinadən xəbər verir ki, Ölənlərdən 9-u təhlükəsizlik qüvvələrinin əməkdaşları, 10-u isə mülki vətəndaşlardır.
Hələlik heç bir qruplaşma hücuma görə məsuliyyəti üzərinə götürməyib.
Burkina-Faso son üç ildə Qərbi Afrikadakı islamçı terror qrupların mərkəzinə çevrilib. Ölkədə İŞİD-in qolları olan “Böyük Səhrada İslam Dövləti” və “Ənsarül-İslam” qruplaşması fəaliyyət göstərir. Bu müddət ərzində terrorçular 1000-dən çox dinc sakini qətlə yetirib, zorakılıqlar nəticəsində 1,5 milyondan çox insan evlərini tərk edərək qaçqın vəziyyətinə düşüb