Dağ-mədən işləri, dağ və buruq qazmalarının aparılması lisenziya tələb olunan fəaliyyət növlərinin siyahısından çıxarılıb.
APA-nın məlumatına görə, bu, Milli Məclisin bu gün keçirilən iclasında müzakirəyə çıxarılan “Lisenziyalar və icazələr haqqında” qanuna təklif edilən dəyişiklikdə əksini tapıb.
Qeyd edək ki, qüvvədə olan “Lisenziyalar və icazələr haqqında” qanuna əsasən, yerin təki sahəsində faydalı qazıntıların çıxarılması, faydalı qazıntıların çıxarılması ilə əlaqədar olmayan yeraltı qurğuların tikmək və istismar etmək məqsədilə “Dağ-mədən ayırması” statusunun verilməsi (20-ci maddə) sahibkarlıq fəaliyyətinə verilən icazələrin siyahısında yer alıb. Digər tərəfdən, dağ-mədən işləri, dağ və buruq qazmalarının aparılması “Lisenziyalar və icazələr haqqında” qanunla müəyyən edilmiş “Lisenziya tələb olunan fəaliyyət növlərinin (dövlət təhlükəsizliyindən irəli gələn hallar istisna olmaqla) siyahısı”nda yer alıb. Bununla əlaqədar “Lisenziyalar və icazələr haqqında” qanundan dağ-mədən işləri, dağ və buruq qazmalarının aparılması lisenziya tələb olunan fəaliyyət növlərinin siyahısından çıxarılıb.
Qanun layihəsi səsə qoyularaq üçüncü oxunuşda qəbul edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
