Deputat hökuməti qiymət artımı ilə bağlı xalqa izahat verməyə çağırıb

Tahir Kərimli

© APA | Tahir Kərimli

# 23 noyabr 2021 12:11 (UTC +04:00)

“Hökumət düşünür ki, biz ancaq onların işində nöqsan axtarırıq. Bu, belə deyil. Biz görülən müsbət işləri də görürük”.

APA-nın məlumatına görə, bunu Milli Məclisin bu gün keçirilən iclasında deputat Tahir Kərimli deyib.

Deputat bildirib ki, nöqsan axtaran özü elə nöqsanlıdır: “Hökumət bilməlidir ki, biz deputatlar daha çox maraqlıyıq ki, rifah olsun, ölkəmiz inkişaf etsin. Ona görə xahiş edirəm ki, bəzi şeyləri süngü ilə qarşılamasınlar. Büdcədə müsbət dəyişikliklərə toxunmaq istəyirəm. Hüquq-mühafizə orqanlarına və digərlərinə də ayrılan vəsaitləri optimal hesab edirəm. Bir şeyi bilməliyik ki, balıq susuz yaşaya bilmədiyi kimi, dövlət də intizamsız yaşaya bilməz. Orduya ayrılan vəsait də artırılır”.

Deputat mənfi məqamlara da toxunub: “Çıxın, qiymət artımları ilə bağlı xalqa izahat verin. Bahalaşma belimizi qırır, buna diqqət etmək çox vacibdir. İşsizlik məsələsi də qalmaqdadır. İqtisadiyyat Universitetində xüsusi istedadlı 30 tələbə universiteti bitirib, 30-u da ölkədə qalmayıb. Yeni iqtisadi siyasət formulunun yolu tapılmayıb”.

#
#

ƏMƏLİYYAT İCRA OLUNUR