FAO və Azərbaycan arasında fəaliyyət planına dair Çərçivə Sənədi təsdiq olunub

FAO və Azərbaycan arasında fəaliyyət planına dair Çərçivə Sənədi təsdiq olunub

© APA | FAO və Azərbaycan höküməti arasında fəaliyyət planına dair görüş

# 29 iyul 2021 18:23 (UTC +04:00)

BMT-nin Ərzaq və Kənd Təsərrüfatı Təşkilatı, Kənd Təsərrüfatı Nazirliyi, Ekologiya və Təbii Sərvətlər Nazirliyi, Qida Təhlükəsizliyi Agentliyi və digər əlaqədar dövlət qurumlarının nümayəndələrinin və beynəlxalq mütəxəssislərini iştirakı ilə 2021-2025-ci İllər üzrə FAO və Azərbaycan höküməti arasında fəaliyyət planına dair görüş baş tutub.


Bu barədə APA-ya FAO-nun Azərbyacan nümayəndəliyindən məlumat verilib.

Görüşdə FAO-nun Azərbaycandakı ümumi məqsədləri və proqram perspektivləri, 2016-2020-ci illəri əhatə edən keçmiş fəaliyyət planının nailiyyətləri və yeni sənədin prioritet sahələri təqdim edilib.

FAO-Azərbaycan Çərçivə Sənədi, hökumət tərəfindən mart ayında təsdiq edilmiş BMT-nin Dayanıqlı İnkişaf Məqsədləri üzrə Əməkdaşlıq Çərçivəsi Sənədinə uyğun olaraq hazırlanıb. Yeni proqramda hazırkı dövrün tələblərinə, çağırışlarına uyğun tədbirləri planlamaq üçün müzakirələr aparılıb. Əsas hədəf Azərbaycanın ərzaq təhlükəsizliyinin təmin edilməsi, kənd təsərrüfatı məhsulları məhsuldarlığın artırılması, ixracın təşviq edilməsi. eləcə də təbii resurslardan daha da səmərəli istifadəsini artırmaqdır.


Həmçinin, proqram çərçivəsində FAO kənd təsərrüfatı və dəyər zəncirinin inkişafına və kənd yerlərinin inkişafı üçün əlverişli mühitin yaradılmasına dəstək verəcək.
2021-2025-ci illəri əhatə edən Çərçivə Sənədi beş prioritet sahəni əhatə edir:


1. 2025-ci ilədək diqqətdən kənar qalmış insanlar əmək bazarının gələcək yönümlü transformasiyasını və layiqli əməyə çıxış imkanını əhatə edən şaxələndirilmiş və innovativ iqtisadiyyatda iştirak edəcək və ondan yararlanacaqlar.


2. 2025-ci ilədək diqqətdən kənar qalmış şəxslər Azərbaycanın beynəlxalq öhdəliklərinə uyğun olaraq, sosial müdafiə və keyfiyyətli ictimai və sosial xidmətlər baxımından gücləndirilmiş milli potensial və idarəetmə strukturlarından faydalanacaqlar.


3. 2025-ci ilədək hər kəsi əhatə edən qərarların qəbulu və siyasətlərin hazırlanmasında istifadə üçün keyfiyyətli, kateqoriyalar üzrə bölünmüş və vaxtlı-vaxtında təqdim olunan məlumatlar əlçatan olacaqdır.


4. 2025-ci ilədək insanlar, o cümlədən kənarda qalan insanlar təbii sərvətlərin davamlı şəkildə idarə olunmasını, dolanışıq vasitələrinin qorunmasını və dayanıqlılığın artırılmasını təmin edən iqlim strategiyaları və ətraf mühitin mühafizəsi üzrə fəaliyyətlərdən faydalanacaqdır.


5. 2025-ci ilədək qadın və qızlar, o cümlədən qadın və qızlar onların ayrı-seçkilik və zorakılıqdan qorunmasını təmin edən və həyatın bütün sahələrində iştirakları üçün səlahiyyətlərini artıran təkmilləşdirilmiş milli mexanizmlərdən faydalanacaqlar.


Tədbirin sonunda iştirakçılar, müəyyən edilmiş planların və prioritetlərin əks olunduğu təsdiqlənən yeni Çərçivə sənədinə görə minnətdarlıqlarını bildiriblər və sənəd daxilində ümumi olaraq müəyyən edilmiş məqsədlərə nail olmaq üçün birlikdə fəaliyyətin olduqca vacib olduğunu ifadə ediblər.

#
#

ƏMƏLİYYAT İCRA OLUNUR